DESCULPAS

Unha vez actualizado o blogue, quero pedirvos desculpas por facelo tan tarde. Os primeiros días de vacacións adiqueinos a descansar e despois as novas tecnoloxías xogáronme una mala pasada, estropeándoseme o ordenador. Menos mal que me poideron recuperar todas as fotos do curso!!!

Pero bueno, como dí o refrán máis vale tarde que nunca e agora xa tedes aquí as últimas actividades do curso. Espero que esteñades pasando unhas boas vacacións e que as estedes desfrutando ao máximo a pesar de que o tempo non nos está acompañando demasiado.

Aproveitade que cada vez queda menos para comezar un novo curso. Biquiños Merliños!!!

FIN DE CURSO

Coma todos os finais de curso, este tamén foi moi intenso. Ademais de preparar e organizar os traballos para poder levalos para a casa, tivemos un montón de actividades para despedir o curso.

Unha delas foi a actuación dun contacontos que compartimos cos peques da gardería que o vindeiro curso xa virán ao "cole dos maiores". Dicir que esta actuación foi un agasallo da Editorial Anaya, así que... MOITAS GRAZAS!!!

O día 20 de xuño fomos ao auditoio municipal para presenciar un concerto da Escola Municipal de Música. Algúns dos nosos Merliños foron protagonistas dese concerto. Aquí vos deixamos as fotos.

E xa para dar por rematado o curso, o mércores 22 de xuño tivemos unha xornada chea de xogos e música. Un ano máis e como vén sendo xa habitual nestes últimos cursos, Brétema Animación amenizounos a mañá con hinchables, diversos xogos e moita música facendo inolvidable o último día deste curso 2010/2011. Se queredes ver o ben que o pasamos, pinchade na seguinte foto.

ÚLTIMOS ANIVERSARIOS DO CURSO

Aquí vos deixo as fotos dos últimos cumpreanos celebrados na recta final do curso. Coma sempre, LUCAS VARELA, ÁNXELA, SABELA, AINOA, JUAN e FÁTIMA, compartiron cos seus compañeiros/as un día tan especial para eles.

PARABÉNS A TOD@S!!!

HORARIO DE XUÑO

A partir de mañá, 1 de xuño, o horario do centro pasa a ser só de mañá. Déixovos aquí como quedarían os horarios:

Alumnos/as usuarios do Comedor Escolar:

Transportados:              de 9:20 h. a 15:00 h.

Non transportados:       de 9:20 h. a 14:45 h.

Alumnos/as non usuarios do Comedor Escolar

                           de 9:20 h. a 14:05 h.

E POR FIN CHEGOU O DÍA

Contabamos os días que nos faltaban, agardabamos ansiosos polo día e... POR FIN CHEGOU O 23 DE MAIO!!!

Todos sabiamos que ese era o día que iamos de excursión a Marcelle. E todos fomos puntuais e o pasado luns ninguén se quedou durmido. Provistos das sudaderas do colexio, de gorra e roupa cómoda, montamos no bus e puxemos rumbo a Marcelle.

Cando chegamos xa nos esperaban alí os nosos monitores que nos dividiron en 2 grupos, uns eramos os Mapaches e os os outros as Tartarugas. A partir de aquí a visitar os animais dos cales aprendimos un montón de cousas. Vimos renos, bisontes, osos, linces boreias, emues, suricatas, cebras, cervicapras, wapitis, mapaches, tartarugas... e un montón de animais máis.

O día chegou ao seu fin e o cansancio fixo presencia na viaxe de volta xa que moitos de nós decidimos pechar os ollos e caer rendidos nun profundo sono.

Para ver as fotos da viaxe facede click nesta foto.

PARABÉNS!!!

Fai uns días, dous dos Merliños da profe Lucía cumpriron xa 5 anos. MARTA e LUCAS IRAVEDRA compartiron cos seus compañeiros un día tan especial para eles e todos xuntos disfrutaron duns ricos biscoitos.

PARABÉNS PARA OS DOUS!!!

LETRAS GALEGAS

O pasado 16 de maio celebramos no colexio o Día das Letras Galegas. Durante a xornada de mañá, tivemos carreiras, nas cales participamos por aulas. Nestas carreiras os tres primeiros nenos e as tres primeiras nenas que chegaran á meta levaban unha medalla. Os nosos Merliños gañadores foron: MÁXIMO, SERGIO, JUAN, LUCAS VARELA, LUIS E LUCAS IRAVEDRA. SABELA, AROA, AINOA, LUCÍA, CRISTINA E PAULA foron as Merliñas gañadoras.

Xa pola tarde disfrutamos dunha sesión de xogos que prepararon as nosas profes coa axuda da profe Cova, a profe de ximnasia.

Foi un día moi divertido e no cal nos acompañou o bo tempo polo que poidemos disfrutar moito.

Se pinchas na imaxe poderás ver máis fotos.