domingo, 21 de diciembre de 2014

BO NADAL E PRÓSPERO ANINOVO 2015

E con unha mostra da portada dos nosos traballos, da nosa felicitación de Nadal e dos nosos adornos, os MERLIÑOS queremos desexarvos un BO NADAL e que o 2015 nos depare a todos o mellor.
 
A partir do 8 de xaneiro non vos perdades as novas aventuras que viviremos.
 
BO NADAL!!!
 
 



 
 
 
 
 
 

 
 

FESTIVAL DE NADAL E VISITA DE PAPA NOEL

O venres foi un día de tolos, non paramos un só minuto. Pola mañá estivemos na aula acabando de preparar as carpetas cos nosos traballos e ás 11:30 tuvemos que irnos para o salón de actos para participar no FESTIVAL DE NADAL.

Fomos os primeiros en actuar xunto cos nosos compañeiros de 3 e 5 anos, e como xa vos dixemos fai uns días cantamos a panxoliña de Mamá Cabra "XA ME TARDAN". Tamén preparáramos outra panxoliña (Mi burrito sabanero) pero ao final por cuestión axenas a nós non poidemos cantala. No Festival participaron todos os cursos e houbo unha gran variedade de panxoliñas e tamén nos contaron a historia do Apalpador. Pero sen dúbida, o momento estelar foi a última actuación, que ademáis foi unha GRAN SORPRESA: OS PROFES CANTARON PARA NÓS!!! Noite de Paz foi a panxoliña que elexiron e o profe Luis acompañounos co piano. Fixérono xenial!!!
 
Xa pola tarde tuvemos a visita de Papá Noel, que nos deixou unas lambetadas e díxonos que nos portásemos moi ben para que tanto el coma os Reis Magos nos deixasen moitos agasallos. Así o desexo eu tamén Merliños, porque a verdade é que os merecedes.
 
 

OS CÓMICOS DA RÚA

O xoves poidemos desfrutar dun espectáculo fantástico que nos fixo rir, cantar, aplaudir e pasar una mañá inesquecible.
 
OS CÓMICOS DA RÚA é un proxectos de animación musical e teatral que fai una achega innovadora á animación infantil a través das súas cancións e das súas escenificacións.
 
No noso caso, foron os nosos compañeiros de 6º os que xunto con "Matías" nos cantanban e contaban os contos de "O pequenos circo dos Cachivachis". Moitos deles incluso se disfrazaban de diferentes personaxes como o Burro Serafín, o Gato Sebastián, a rá Mariana, a bruxa do 5º... e de outros máis coñecidos como Mickey Mouse, Minnie, Bob Esponja, Spiderman...
 
Foi unha actividade que nos gustou moito e por eso lle damos ás grazas ao Equipo de Biblioteca, que fixo posible que se levara a cabo.

miércoles, 17 de diciembre de 2014

MOITAS FELICIDADES ANTÓN!!!

Hoxe ANTÓN cumpriu por fin 4 anos. Estaba moi contento e xa levaba tempo desexando este día, para poder ter os memos anos que os demais compañeiros.
Para celebralo tróuxonos un biscoito riquísimo con forma de peixe. Estaba todo decorado con lacasitos e por dentro tiña una fina liña de "doce de leite", estaba para chuparse os dedos!!!!
Mira que guapo sae coa súa corona.
 
 

domingo, 14 de diciembre de 2014

A CANTAR!!!

Nestes días tamén estamos ensaiando as panxoliñas que cantaremos o venres no Festival de Nadal que imos a celebrar no colexio.

Xa estamos algo nerviosos porque vamos a ser os primeiros en actuar e vamos a ter un público moi esixente: os nosos compañeiros de primaria e todos os Mestres!!!

Mamás, papás, axudádesnos a aprender moi ben estas dúas panxoliñas???

QUE ANDARÁN A FACER OS MERLIÑOS?

Mirade que entretidos están os Merliños!!!










































Que andarán a facer? Nuns días saberédelo...



jueves, 11 de diciembre de 2014

A PROFE SANDRA E OS SEUS NENOS

Onte falando coa profe Sandra, comentoume que no seu novo cole de Malpica tamén teñen un blogue así que aquí vos deixo o enlace para que poidades ver o moito que traballaban e todo o que aprenden os nenos e nenas do CEIP Milladoiro de Malpica, o cole da nosa profe Sandra, á que tanto botamos de menos.
 
Moitos bicos Sandra!!!
 

martes, 9 de diciembre de 2014

DOCES ASEMBLEAS

Desde que deu comezo o mes de decembro, as asembleas son agora moito máis doces... Que a que se debe esto? Pois a que a nosa profe trouxo á aula un calendario para saber cantos días faltan para que chegue o Nadal.
 
Neste calendario, cada día ten unha ventá e detrás dela agocha unha pequena chocolatina. Cada día abre a ventá un de nós e por suposto, tamén come a chocolatina.
 
Mirade hoxe que ben lle sentou ese chocolate a Helena!
 
 

lunes, 8 de diciembre de 2014

PARABÉNS DANI!!!

No último mes de ano celebramos tamén os últimos aniversarios. O venres tocoulle o turno a DANI, que xa cumpriu 4 anos!!!
 
Para celebralo trouxo á clase un biscoito riquísimo decorado cunhas figuriñas de chocolate... Como podedes ver na foto, DANI desfrutou do momento e do día coa súa coroa e rodeado dos seus compañeiros.
 
PARABÉNS DANI!!!

viernes, 14 de noviembre de 2014

NOVO RECANTO

Na nosa aula temos diferentes recantos: PLÁSTICA, XOGO SIMBÓLICO, ORDENADOR, MATEMÁTICAS, LETRAS...
 
Pois a todos estes recantos, estes días uneuse outro: O RECANTO DO PROXECTO, é dicir, o RECANTO DAS BRUXAS.
 
Nel temos xa un montón de cousas que trouxemos das nosas casas: libros, contos, vasoiras, sombreiros, debuxos, información, películas, cancións... Tamén nel podemos observar todo o que imos averiguando sobre as bruxas,
 
A  verdade é que nos quedou un recanto moi chulo, mirade mirade!!!
 
 

AS CANCIÓNS DA ASEMBLEA

Todos os días ao chegar ao colexio e despois de poñer os mandilóns, facemos a asamblea. Cada día temos un encargado ou encargada que é quen leva a cabo as diferentes tarefas: pasar lista, poñer o tempo atmosférico, mirar no calendario o día que é...

Pero antes de facer todo eso, sempre cantamos unhas cancións. A primeira é a dos bos días para comezar a xornada con bo humor.



Despois tamén escoitamos unha canción sobre os días da semana.



E as que máis nos gustan son as das vogais e a dos números.



A verdade é que nos gusta moito cantar e desta forma comezamos o día con moi bo humor e dun xeito moi alegre.
 
Agora podedes aprendelas vós e poñelas en práctica!!!

TEMPO DE CASTAÑAS

O outono comezou en setembro pero a verdade é que se fixo de rogar e non deu sinais ata fai uns días. Xa todos pensabamos que iamos comer as castañas do magosto en manga corta...
 
Pero ao final chegou e a verdade que con moita forza e bastante frío. E así o luns pasado tivemos que poñer os abrigos para poder celebrar o Magosto con todos os nenos e nenas do colexio.
 
Este ano, a nosa profe fíxonos unhas cestiñas con papel de periódico (que están os tempos moi mal para andar gastando, hai que reutilizar!) e nós decorámolas cunhas castañas e cuns gomets. Quedáronnos moi chulas!!! E tamén fixemos un pin dun castañeira e que levaba unha mensaxe: TOMA CASTAÑA!!!

Como sempre deixámosvos mostra gráfica do ben que o pasamos.


martes, 11 de noviembre de 2014

CELEBRAMOS O SAMAÍN

O pasado xoves 30 de outubro os nenos e nenas de Infantil celebramos o SAMAÍN. Durante a semana estivemos decorando o noso corredor do cal colgamos bruxas, cabazas e pantasmas que metían medo!

As profes tamén nos decoraron as portas das clase para darlles un aire monstruoso...

E para finalizar o xoves 30 pola tarde, a Bruxa Maruxa contounos un conto e con ela cantamos e bailamos ao ritmo da súa canción: A Bruxa Maruxa, María Fumaça.

Aquí vos deixamos unha pequena mostra gráfica de todo.



sábado, 1 de noviembre de 2014

PROXECTO "AS BRUXAS"

A principios do mes de outubro na nosa clase comezaron a pasar cousas moi raras.





Si, si, aparecíannos pegadas no chan e tamén na ventá, arañas e as súas teas, líquidos de cores e vermes noxentos...
 
Costounos moito descubrir quen era a persoa que nos estaba deixando todo aquelo. Pero logo de moito pensar e grazas a unha carta que nos deixaron na clase, por fin soubemos que se trataba dunha BRUXA.
 
E deste xeito comezamos o noso proxecto sobre AS BRUXAS.

sábado, 25 de octubre de 2014

PRIMEIROS ANIVERSARIOS

No que levamos de curso xa tivemos algún aniversario. O primeiro día de cole, o 10 de setembro, cumpleu 4 anos MIGUEL.
 
Para celebralo trouxo un biscoito riquísimo para compartilo cos seus compañeiros.
 
 
Click to play this Smilebox greeting
Create your own greeting - Powered by Smilebox
This free digital greeting card made with Smilebox

viernes, 24 de octubre de 2014

POR FIN!!!

Costou chegar pero aquí estamos! E non era sen tempo porque se nos descoidamos un pouco xa logo se acaba o primeiro trimestre deste novo curso 2014/2015.

E como recén chegados, imos darnos a coñecer.

Click to play this Smilebox slideshow
Create your own slideshow - Powered by Smilebox
Picture slideshow generated with Smilebox



Esperamos que vos agraden as vosas visitas e que desfrutedes vendo o que facemos no colexio. Estade moi atentos porque este ano temos moitas sorpresas.
 
Ata pronto!

lunes, 21 de abril de 2014

DÍA DO LIBRO


 
O vindeiro mércores 23 de Abril conmemórase o DIA INTERNACIONAL DO LIBRO. O obxectivo deste día é o fomento da lectura así que xa sabedes: A LER ESE DÍA E TODOS OS DÍAS DO ANO!
 
Ademais podedes aproveitar para pedirlles aos papás que vos merquen algún libro ou conto aproveitando que moitas librarías fan descontos nesa xornada.
 
Deixovos uns enlaces onde tamén poderedes descargar divertidos marcapáxinas para que non vos perdades nas vosas lecturas.
 
https://picasaweb.google.com/pequecarola/DiaDelLibro

https://plus.google.com/photos/106886043799881952405/albums/5444817770732913857?banner=pwa

ANIVERSARIOS

Ao longo destes meses algúns Merliños/as cumpriron anos e quixeron celebralo cos seus compañeiros.
 
 

miércoles, 2 de abril de 2014

2 DE ABRIL

Hoxe, día 2 de abril conmemorouse o Día Internacional do Libro Infantil e Xuvenil e o Día Mundial de Concienciación do Autismo.

O primeiro deles lévase celebrando desde o ano 1967, coincidindo coa data de nacemento do escritor danés Hans Christian Andersen. Cada ano un escritor representativo elabora unha mensaxe dirixida a todos os nenos. Este ano 2014 a encargada de facelo foi a escritora irlandesa Siobhán Parkinson.

O Día Mundial de Concienciación do Autismo, ten a finalidade de dar a coñecer a necesidade de axudar a mellorar as condicións de vida dos nenos e adultos que sofren este trastorno. E por eso hoxe todos nos pintamos de azul.




 

domingo, 16 de marzo de 2014

XA ESTAMOS AQUÍ

Preséntovos aos novos Merliños/as. Mirade ben para eles, serán os protagonistas durante bastante tempo e con eles vamos aprender un montón de cousas.
 
BENVIDOS A TODOS/AS!!!
 
 

miércoles, 5 de febrero de 2014

EN BREVES... VOLTAMOS!!!

Pois si, en breves por aquí andaremos de novo compartindo con vós novas aventuras, novos coñecementos, novas actividades e sobre todo con NOVOS MERLIÑOS E MERLIÑAS.
 
Agardo que nuns días vos poida presentar aos nosos protagonistas. Estade atentos, non vos perdades nada!!!