PRIMEIRO ANIVERSARIOS

Estes primeiros días curso celebramos os tamén primeiros aniversarios do mesmo. ANTONIO e IRIA estrearon a rolda de cumpreanos. Eles cumpriron 5 anos e compartiron cos seus compañeiros/as un rico biscoito.

PARABÉNS AOS DOUS!!!

HORARIO

Déixovos aquí os horarios das dúas aulas. Como podedes ver os LUNS imos ter PSICOMOTRICIDADE polo que ese día é convinte traer chándal e calzado deportivo.

MERLIÑ@S DA PROFE CRIS

MERLIÑ@S DA PROFE BEGO

UN NOVO CURSO

Bueno Merliñ@s o martes 13 de setembro volvemos ás aulas para dar comezo a un novo curso. Un novo curso especial para vós xa que nel seredes os "maiores" de Infantil e nel daredes por rematada unha das etapas máis importantes da vosa escolarización.

Lembrade que o horario de setembro é de 9:20 h. a 14:05 h. así que xa sabedes o luns a deitarse cediño para vir ben espertos ao voso primeiro día de curso.

E mentras non chega o martes, disfrutade das festas todo o que poidades.

REUNIÓN COS PAIS E NAIS

O vindeiro VENRES 8 DE SETEMBRO, ás 11:00 horas, teremos unha reunión para tratar diferentes aspectos a ter en conta para o inicio de curso.

Aproveito tamén para darlle a benvida a Begoña, que vai a ser a nova titora dos Merliños/as de 4 anos B e á cal lle desexamos moita sorte esperando que esté moi a gusto con nós.

ATA OUTRA PROFE LUCIA

Con moita tristura temos que despedir á profe Lucía xa que o curso que vén xa non estará con nós. Desde aquí desexámoslle moitísima sorte e emprazámola para que nos veña a visitar en canto poida.

Moitos bicos de tod@s @s MERLIÑ@S

DESCULPAS

Unha vez actualizado o blogue, quero pedirvos desculpas por facelo tan tarde. Os primeiros días de vacacións adiqueinos a descansar e despois as novas tecnoloxías xogáronme una mala pasada, estropeándoseme o ordenador. Menos mal que me poideron recuperar todas as fotos do curso!!!

Pero bueno, como dí o refrán máis vale tarde que nunca e agora xa tedes aquí as últimas actividades do curso. Espero que esteñades pasando unhas boas vacacións e que as estedes desfrutando ao máximo a pesar de que o tempo non nos está acompañando demasiado.

Aproveitade que cada vez queda menos para comezar un novo curso. Biquiños Merliños!!!

FIN DE CURSO

Coma todos os finais de curso, este tamén foi moi intenso. Ademais de preparar e organizar os traballos para poder levalos para a casa, tivemos un montón de actividades para despedir o curso.

Unha delas foi a actuación dun contacontos que compartimos cos peques da gardería que o vindeiro curso xa virán ao "cole dos maiores". Dicir que esta actuación foi un agasallo da Editorial Anaya, así que... MOITAS GRAZAS!!!

O día 20 de xuño fomos ao auditoio municipal para presenciar un concerto da Escola Municipal de Música. Algúns dos nosos Merliños foron protagonistas dese concerto. Aquí vos deixamos as fotos.

E xa para dar por rematado o curso, o mércores 22 de xuño tivemos unha xornada chea de xogos e música. Un ano máis e como vén sendo xa habitual nestes últimos cursos, Brétema Animación amenizounos a mañá con hinchables, diversos xogos e moita música facendo inolvidable o último día deste curso 2010/2011. Se queredes ver o ben que o pasamos, pinchade na seguinte foto.