COMENTARIOS

Xa sei que algún de vós tivo máis dun problema para poder deixar comentarios. Creo que agora está solucionado e xa é máis fácil comentar as entradas así que xa sabedes... MÁNS Á OBRA!!!

O que si vos pediría é que firmedes os vosos comentarios, xa que moitos aparecen como "Anónimos" e deste xeito non sabemos quen nos deixa ditos comentarios.

Moitas grazas a tod@s, tanto polos comentarios como polas visitas que a este paso imos ter moitísimas.

E SEGUIMOS CUMPRINDO ANOS

Pois si, hoxe volvimos a estar de aniversario. Esta vez tocoulles a SARA e a SANDRA, da clase de profe Cris, que como vedes na foto, trouxéronnos un gran biscoito decorado cunhas figuriñas de chocolate e que tamén compartimos cos nosos compañeiros da clase de Lucía.

PARABÉNS RAPAZAS!!!

PRIMEIROS ANIVERSARIOS

Xa nos primeiros días de colexio celebramos o aniversario de ANTONIO. Como vedes degustamos un exquisito biscoito, sopramos as candeas e entonamos o "Cumpreanos Feliz".

E hoxe venres tocoulle o turno a IRIA, que tamén nos trouxo un rico biscoito que compartimos cos Merliños da clase B. Houbo coroa, candeas e a xa coñecida canción.

Os nosos Merliños están a medrar moi rápido!!!

OS MANTEIS

Fai xa uns días apareceron nas nosas aulas unhas caixas que causaron un gran interese en nós. Era a CAIXA DE PASCUALA e nela tiñamos unha carta da nosa mascota así coma un mantel e uns folios de cores para que nós fixésemos o noso propio mantel para as merendas.

Pascuala tamén nos dicía na carta que á hora da merendar debemos seguir unha serie de normas:

• 
  
  Sentarnos ben e estar pretiño da mesa
• 
  
  Tirar os desperdicios á papeleira
• 
  
  Deixar o noso sitio limpo e recollido
• 
  
  Esperar aos compañeiros/as que aínda non remataron

De seguro que con estes manteis que fixemos, esas normas serán máis fáciles de cumprir. Mirade como quedaron...

E xa nos esquecíamos, Pascuala díxonos que nos vai a deixar moitas cousas nesa caixa así que agora miramos todolos días non vaia ser o demo...

PSICOMOTRICIDADE

Informámosvos dos días que os Merliños terán clase de Psicomotricidade para que así veñan con roupa cómoda e axeitada así como calzado deportivo.

CLASE DE AMPARO: XOVES

CLASE DE CRIS: MARTES

A RÁ PASCUALA

Esta que vedes aquí é PASCUALA e vai a ser a nosa mascota durante este curso. Como podedes observar é unha rá, pero non é unha rá normal. Ela é algo máis grande do que habitualmente son as rás e o seu tamaño débese a que un día Pascuala quixo ser unha nena co pelo longo. Por iso lle pediu axuda ao trasno Pillabán pero a maxia deste non funcionou moi ben e só a convertiu nunha gran rá, cunhas antenas e cuns pés enormes de aí que teña eses zapatos tan grandes.

Pascuala vainos a dar moitísimas sorpresas ao longo do curso e con ela aprenderemos moitas cousas. E todo será visto por vós a través desta ventaniña virtual.

AS CARAS DOS MERLIÑOS

E por fin podedes coñecer aos Merliños. Aínda falta algún que se irá incorporando a medida que nos cheguen as pouquiñas autorizacións que nos faltan.

MERLIÑOS - 4 ANOS A

MERLIÑOS - 4 ANOS B