V PREMIO ESPIRAL - EDUBLOGS 2011

Outro ano máis presentámonos aos Premios Espiral. De momento o noso blogue aínda non está posto na páxina de Edublogs, pero en canto esté xa vos informarei para que deixedes os vosos comentarios e nos axudedes. A ver se este ano acadamos un premio, que os Merliños ben o merecen por todo o que traballan e sobre todo, porque SEN ELES ESTE BLOGUE NON TERÍA NACIDO. E tamén o merecedes todos vós, os que nos seguides, os que nos ledes e os que nos deixades comentarios. GRAZAS A TOD@S!!!

ALERTA LARANXA

Déixovos aquí o correo electrónico que foi enviado ao centro hoxe pola tarde advertindo da alerta laranxa que estableceu a Axencia Estatal de Metereoloxía e Meteogalicia. Según vaia habendo novidades ireivos informando, xa que o noso centro atópase dentro dos concellos da Mariña Lucense que tamén se vén afectados pola alerta.

Alerta laranxa por fenómenos costeiros na Coruña e Pontevedra

Mar, 15/02/2011 - 14:11

En base ás predicións da Axencia Estatal de Meteoroloxía e Meteogalicia, ante a previsión dun adverso meteorolóxico de vento con refachos superiores a 100 km.h (alerta laranxa) en tódolos concellos da provincia da Coruña e Pontevedra así como os integrados na comarca da Mariña Lucense.
De acordo coa recomendación formulada pola comisión de alertas meteorolóxicas reunida o día de hoxe ás 11 da mañá comunícolle a suspensión de actividades extraescolares e as que se realicen ao aire libre durante toda a xornada do 16 de febreiro de 2010.
Esta decisión non supón a suspensión de actividades docentes nin do transporte escolar, pero recoméndase o seguimento da información meteorolóxica para o caso dun empeoramento da predición ou do incremento de risco na localidade onde radique o centro escolar.
A información pode seguirse nos enderezos electrónicos:
www.aemet.es, www.meteogalicia.es e www.112galicia.org
Concellos incluídos na zona xeográfica de aviso da Mariña Lucense:
Alfoz
Barreiros
Cervo
Foz
Xove
Lourenzá
Mondoñedo
Ourol
A Pontenova
Ribadeo
Trabada
O Valadouro
O Vicedo
Viveiro
Burela

PARABÉNS AROA!!!

Hoxe os Merliñ@s da profe Cris estiveron de aniversario. AROA estreou os aniversarios do ano e como non podía ser de outro xetio fíxoo cun rico biscoito, con coroa e rodeada dos seus compañeir@s.

UNHA DE PIRATAS

Cada día chegan novas cousas aos Recantos do Proxecto e as nosas aulas vanse convertindo en auténticos escenarios piratas. Cofres con tesouros, libros, DVD's, mapas, espadas, barcos, parches, anteollos... forman parte xa do noso espazo e así están quedando os Recantos Pirata.

Unha das cousas que chegou á clase da profe Lucía foi un puzzle pirata e sen dubidalo os Merliñ@s puxéronse mans á obra para poder facelo. Así de contentos estaban despois de ver o resultado.

E como mostra desta transformación pirata déixovos esta foto que fala por si soa.



RECICLAMOS

Fai xa uns meses que os Merliñ@s quixemos concienciarnos co coidado do noso medio ambiente e quixemos aportar o noso gran de area reciclando o lixo que producimos nas nosas aulas.

Para iso as nosas profes puxéronnos nas aulas unhas caixas. Unha de cor AMARELO na cal temos que tirar os plásticos, bricks dos zumes, envases de iogures...; e a outra de cor AZUL na cal tiramos os papeis e cartóns. Os restos orgánicos tirámolos na papeleira: as mondas das mandarinas, as miguiñas do pan, as pelas dos plátanos...

Hoxe pola tarde aproveitamos o bo tempo para ir botar todo este lixo aos contedores que temos no colexio. Así que acompañados das nosas mestras e provistos das nosas caixas fixemos unha seleción do lixo tirando cada cousa no seu correspondente contedor.

Ahhhhhhhhhhhhh, e tamén descubrimos que os colectores dos restos orgánicos son de cor VERDE!!!

PROXECTO "OS PIRATAS"

Despois de que Pascuala nos pedise axuda para descubrir cousas dos Piratas, os Merliños e as Merliñas están traendo ás aulas moitas cousas: barcos, tesouros, mapas... Agardamos que sexan moitas cousas máis as que aportedes entre todos/as para así poder establecer nas aulas os Recantos do Proxecto.

DIA DA PAZ

O pasado venres celebramos no colexio o Día Escolar da Non Violencia e da Paz. Ao longo da semana estivemos preparando moitas cousas para ese día ademais de falar sobre a Paz e sobre o seu significado.

Unha das cousas que fixemos foron as bandeiras de algúns dos países de Europa. Cada ciclo fixo as bandeiras dun continente e aos nenos e nenas de Infantil tocounos facer as bandeiras dos países do nosos continente. Esas bandeiras rodearon unha gran pomba que colgamos no patio, simbolizando así a unión de todo o mundo ante a PAZ.

Ademais no ciclo de Infantil, elaboramos unhas cadeas cunhas siluetas humanas e que colocamos ao redor da árbore que temos no corredor das nosas aulas. E fixemos uns medallóns que nos quedaron fermosísimos.

Tamén nesta semana, Merliño, a mascota da biblioteca, pideunos que escribísemos mensaxes sobre a PAZ e que os fósemos depositando no seu gran libro.

Xa o venres, despois do recreo, xúntamonos tod@s no patio cuberto. Alí os nosos compañeiros de 5 anos e de Primaria leron unhas mensaxes. A nós gustounos moito unha: "Arriba a PAZ, abaixo a guerra". Despois cantamos a canción "Un millón de amigos" de Roberto Carlos. E por último tiñamos dúas grandes piñatas que unha vez que as logramos abrir descubrimos que contiñan papeliños de cores e as mensaxes que Merliño nos mandara facer. Cada neno/a colleu unha mensaxe para depositala na pomba.

Foi unha xornada intensa chea de bos propósitos para a Paz. Agardamos que eses propósitos se fagan realidade e presentes durante todos os días do ano.