sábado, 25 de diciembre de 2010

XOGOS PARA O NADAL

Aquí vos deixo algúns xogos para estes días de vacacións. Facendo click en cada imaxe ides á páxina onde poderedes xogar.

Xogo de memoria



Uns puzzles navideños


Decorar a árbore de Nadal

BO NADAL E PRÓSPERO ANINOVO

OS MERLIÑ@S E AS SÚAS PROFES... COS SEUS MELLORES DESEXOS PARA ESTE NADAL E PARA O NOVO ANO 2011.


VISITA DE PAPÁ NOEL

O mércores tivemos unha gran sorpresa: PAPÁ NOEL FÍXONOS UNHA VISITA!!!

Foi algo inesperado e as nosas caras de asomo dicíano todo. Algúns dos merliños déronlle a Papá Noel as cartas que lle escribiran e el deixounos uns caramelos.

Estivo pouquiño tempo porque dixo que aínda lle quedaba moito traballo e moitos nenos por visitar e ademais tiña que regresar a Laponia para organizar todos os agasallos que tiña repartir na Noite Boa.

A estas horas moitos de vós estaredes xa disfrutando dos agasallos que Papá Noel vos deixou esta noite. Espero que foran moitos e lembrade que aínda quedan os Reis Magos por chegar...



CONCERTO DA ESCOLA DE MÚSICA

O pasado martes fomos ao auditorio para disfrutar da actuación que a Escola de Música nos tiña preparada. Poidemos escoitar panxoliñas e pezas musicais interpretadas por moitos dos nosos compañeiros do colexio. E entre eles tamén estaban catro merliñas que cantaron moi ben as cancións que prepararon con tanto entusiasmo ao longo destes meses.

Desde aquí damos a noraboa a tódolos participantes e tamén aos seus mestres.

Lucía, Aroa, Iria e Ainoa

martes, 21 de diciembre de 2010

ANIVERSARIO DE LUCAS LOPEZ

O noso merliño LUCAS LÓPEZ estivo aniversario a semana pasada. Xa cumpreu 4 aniños e por iso trouxo ao colexio esa impresionante tarta para compartila cos seus compañeiros.

Quen escribe esto non puido probala pero segurísimo que a torta estaba deliciosa e que os seus compañeiros lle cantaron o cumpreanos feliz despois de soprar as candeas.

PARABÉNS LUCAS!!!


lunes, 20 de diciembre de 2010

CÉ ORQUESTRA PANTASMA

Hoxe pola tarde tivemos unha sorpresa: A ACTUACIÓN DUN HOME-ORQUESTRA!!! Si, si, o que oides, un home cargado de todos cantos instrumentos vos podedes imaxinar e que era capaz de facelos soar a todos á vez. Tiña acordeón, harmónica, bombo, platillos e ata unha turuta...

Ese home-orquestra chamábase César e díxonos que viña dunha vila que se chama Freixo e a modo de cancións foinos contando historias do seu pobo e dos seus veciños.

Pasámolo moi pero que moi ben bailando e cantando ao son de todos aqueles instrumentos que portaba César e que cun pequeno movemento era capaz de facerlles soar.

A actuación foi un agasallo da recén estreada ANPA do colexio, á cal lle queremos agradecer o esforzo realizado para que hoxe todos poidésemos disfrutar deste gran músico.


domingo, 19 de diciembre de 2010

A ARBORE DO CORREDOR

No corredor de Infantil as nosas mestras puxeron unha árbore moi grande e moi especial. Está feito cos cartóns dos ovos que pintamos entre todos e decorado coas boliñas e coas campás de nadal que fai uns días levamos para a casa para decorar xunto coas nosas familias.

Todas elas quedaron moi fermosas e as nosas profes agradecen a colaboración dos nosos papás e mamás. Aquí vos deixamos unha pequena mostra gráfica de como quedou a montaxe.



DECORACIÓN DE NADAL

Estes últimos días estivemos decorando as nosas aulas e os corredores de Infantil para que todo vaia tomando un ambiente navideño. Así podedes ver a árbore tan fermosa que fixeron os Merliños na profe Lucía coas súas propias mans.

E na clase da profe Cris fixemos unha orixinal árbore cuns pratos de plástico e unhas mandalas de nadal que coloreamos con rotuladores. Mirade que chulo quedou!!





lunes, 13 de diciembre de 2010

PREPARANDO O NADAL



Ola a tod@s!!!

Non pensedes que vos temos abandonados pero é que andamos moi atarefados preparando os traballos do trimestre, enchendo as carpetas, decorando a aula, os corredores... en fin que estamos totalmente inmersos no Nadal, que por certo xa queda ben pouquiño para que chegue e con el as tan ansiadas vacacións.

Nos vindeiros días iremos poñendo cousiñas para que vexades como está quedando o colexio e as nosas aulas, así que non nos perdades de vista...

domingo, 21 de noviembre de 2010

CUMPREANOS DE LAURA

A nosa merliña LAURA estivo de cumpreanos o pasado venres e por iso trouxo un rico biscoito moi decorado con numerosas figuriñas de chocolate. Aí a vedes coa súa coroa a piques de soprar as candeas.

PARABÉNS LAURA!!!




SEGUIMOS COA DECORACIÓN OUTONAL

Esta semana os merliños da profe Cris tivemos un actividade moi entretida no Recuncho da Plástica. Tivemos que facer unha colaxe con cachiños de pegatinas amarelas nunhas follas para poder decorar a árbore da nosa aula. Mirade que fermosa nos quedou a árbore e que ben traballamos.




lunes, 15 de noviembre de 2010

CUMPREANOS DE LUIS

E os nosos Merliños seguen a cumprir anos. Hoxe foi o turno de LUIS, que cumpriu 4 aniños e quixo celebralo con nós traendo un riquísimo biscoito moi decorado cuns "lacasitos" de cores. Aí o vedes coa súa coroa a piques de soprar a candea do número 4.

PARABÉNS LUIS!!!



MAGOSTO 2010

O pasado xoves 11 de novembro, coincidindo coa festividade de San Martiño, celebramos no colexio o MAGOSTO.

Durante os días previos estivemos preparando as nosas cestiñas para as castañas as cales elaboramos cun cartón de leite pintado con témpera marrón. A cestiña compoñíase de dúas partes, unhas para as castañas e outra identificada cunha papeleira para botar nela as pelas e así non tiralas no chan. Tamén aportamos un puñadiño de castañas.

Un ano máis resaltamos unha das festas máis tradicionais da nosa comunidade autónoma e aprendimos unha estrofa dunha canción que dí algo así:

"Non chas quero, non chas quero,
castañas do teu magosto.
Non chas querom non chas quero,
que me cheiran ao magosto."








lunes, 8 de noviembre de 2010

ANIVERSARIO DE NURIA

O venres a nosa merliña NURIA cumpriu 4 anos. Para celebralo trouxo un rico biscoito que comparteu cos seus compañeiros, os cales lle cantaron o "Cumpreanos Feliz". Mirade que contenta está coa súa coroa.
PARABÉNS NURIA!!!



miércoles, 3 de noviembre de 2010

SAMAÍN

Durante toda a semana pasada estivemos facendo cousas para celebrar o SAMAÍN. Así aprendimos que esta festa é de orixe celta e que xa se celebraba fai moitos moitos anos. Tamén soubemos que se leva a cabo a noite do 31 de outubro que era cando para os celtas remataba o verán e comezaba o inverno.

O venres celebramos na aula o noso particular Samaín, coloreando debuxos de cousas típicas desta festa como son as cabazas, as pantasmas, as bruxas... E con careta incluida disfrutamos dunhas lambetadas de chocolate e duns ósos de santo que nos trouxo a mamá de Lucas López. A nós non nos fixo falta nin "truco nin trato" para pasar unha boa tarde, eso si, tivemos algunha visita dunhas pantasmas un tanto trouleiras que se fixeron unha foto con nós.



E tamén durante a semana algúns de nós trouxemos ao cole cabazas preparadas con moito esforzo e traballo para que formaran parte da exposición de cabazas que organizaron no cole os Equipos de Biblioteca e Normalización Lingüística. A verdade é que non se esperaba unha participación tan alta e ademais con moita competencia. Aquí vos deixamos algún exemplo e ademais temos que dicir que as fotos son dos primeiros días de exposición, porque o venres eran MOITÍSIMAS as cabazas que había. Noraboa a todos os que participastes!!!






MERENDA DO OUTONO

O martes 26 de outubro os nenos e nenas de Infantil xunto coas nosas mestras, tivemos unha merenda con froitos típicos do outono. Tiñamos unha gran variedade de froitas carnosas e froitos secos que fomos levando os días antes. Poidemos degustar mazás, peras, granadas, chirimoias, mangos, kiwis, pistachos, avelás, uvas, laranxas... Unha boa maneira de probar novas froitas e de ter un almorzo saudable.




As profes de Infantil agradecemos ás familias a colaboración prestada para poder levar a cabo esta experiencia.

domingo, 24 de octubre de 2010

SUSPENSIÓN DE CLASES

Ante a fatal noticia que nos sorprendía a tod@s na tarde do sábado, comunícovos que mañá Luns 25 de Outubro quedan suspendidas as clases no horario de tarde.

Polo tanto o horario de mañá será o mesmo, de 9:25 a 12:55. Os nenos e nenas que coman no comedor marcharán para a casa ás 15:00 horas.

martes, 19 de octubre de 2010

RECANTO DE PLÁSTICA

Hoxe os Merliños da profe Cris, estreamos un novo recanto na nosa aula: O RECANTO DA PLÁSTICA. Nel poderemos manipular unha gran variedade de materiais, potenciar a nosa creatividade, empregaremos diferentes técnicas, adquirir soltura e precisión nos nosos trazos e movementos...

E para estrealo a nosa amiga a Rá Pascuala deixounos na súa caixa información sobre un pintor chamado PIET MONDRIAN. Así soubemos que Mondrian foi mestre, ao igual que a nosa profe Cris, antes de adicarse plenamente á pintura. Tamén averiguamos que pintou moitas paisaxes do país onde naceu, Holanda e que máis tarde decantaríase por empregar nas súas creacións só as cores primarias: AZUL, VERMELLO E AMARELO, combinándoos coas cores NEGRA E BRANCA.

Pascuala deixounos un encargo que consistía en pintar un cadro parecido a algúns dos que fixo Piet Mondrian.

Aquí vos deixamos un resumo gráfico, incluso dos nosos primeiros "artistas" que se animaron a estrear o novo recanto.

domingo, 17 de octubre de 2010

SANLUQUEIRAS E SANLUQUEIRO

Mirade que guapos estaban os nosos compañeiros Aroa, Iria, Cris e Luis o pasado venres. Eles son os Sanluqueiros infantís das festas de As San Lucas 2010 e o venres vestíronse co noso traxe rexional para desfilar polas rúas de Mondoñedo.

Desde a Casa do Concello ata o Auditorio Municipal, subidos nunha carroza e tirando caramelos, os nosos Sanluqueiros deron paso ao pregón das festas.

Esperamos e desexamos que estén pasando unhas boas festas, pero non só eles senon todos os nosos Merliños.

viernes, 15 de octubre de 2010

PARABÉNS CRIS!!!

Hoxe tivemos outro aniversario. Desta volta tocáballes aos Merliñ@s da profe Lucía entoar o Cumpreanos Feliz xa que a súa compañeira CRIS cumpría 4 anos. Non temos palabras para expresar o rica que estaba a torta que nos trouxo Cris, e que tamén comparteu cos Merliñ@s da profe Cris.

Que cumpras moitos máis Cris!!!




martes, 12 de octubre de 2010

ANIVERSARIO DE MÁXIMO

Onte celebramos o aniversario do noso compañeiro MÁXIMO, que cumpría 4 aniños. Como vedes na imaxe, tróuxonos unha torta moi orixinal, cunhas fermosas candeas e cargadiña de lambetadas.

Despois do ritual das candeas e do "Cumpreanos Feliz", degustamos tan exquisita torta xunto cun zume de laranxa.

PARABÉNS MÁXIMO!!!